قال الامين العام المساعد بالاتحاد العام التونسي للشغل,سامي الطاهري اليوم الاثنين 9 ماي “كي تجي تشوفو، أنا تقلقت من التشويه الأخير، مالي إلاّ بشر..وزيد على خاطر القاع اللي “..وصلونا ليه ما عندوش حدود من العفن والقذارة

واضاف في تدوينة نشرها على صفحته الخاصة فايسبوك :”ماخفتش رغم استبطان التشويه بالتهديده، أما تقلقت، وانتم تعرفوا اللي الذبان مايقتلش أما يدرّع الخواطر، والذبان اللي هبط علي من كل شيرة محترف ووموَّل وعندو جمهور متعطّش موش للتشويهات فقط بل حتّى للدّم..”.

وشدد الطاهري على ان التشويه اليوم وبهذا الكم والحجم والقذارة “جات بيه النهضة معاها”قائلا:”النهضة أوّل من عمل جهاز الحرب الالكترونية وخصّصلو الاعتمادات الضخمة والموارد البشريةوالتغطية السياسية والأمنية وحتّى القضائية بل وسبق أن تكوّنوا فيه سنوات قبل الثورة معفريدم هاوس وغيرهم وربّما استفادوا لفترة وجيزة بالتجهيزات والمنظومة المنتصبة في أحد طوابق دار التجمّع المنحل,وقد لمعت بين هالفرقة أسماء كثيرة شهرت بقدراتها الكبيرة على فبركة الإشاعات وتصيّدفرائسهم لتشويهها والإجهاز عليها..يعني تصفية الخصوم بالتشويهات لا بالبدائل والمقارعة بالحجة..”.

وذكر سامي الطاهري بالاغتيالات السياسية وقال : “ماتنسوش كان كلّ اغتيال تسبقوا حملة تشويه شعواء حصل هذا ضدّ الشهيدين شكري بلعيد ومحمد البراهمي وحصل ضدّ الأمنيين والعسكريين ونعتوا بالطواغيت…ويتعدّوا بعد للتنفيذ بعد التشويه والتحريض..”.

واضاف :”الاتحاد كان من أكثر المتضرّرين من هالحرب القذرة..هتك فيها الذباب بجميع أنواعه حرمة الأموات وأعراض الأحياء وتاريخ المنظّمة وقياداتها ونساءها ورجالها..شيطنوا وحرّضوا وجرّموا وكفروا وحاولوا ضرب جذور الاتحاد وعمقه الاجتماعي..”.

https://www.facebook.com/plugins/post.php?href=https%3A%2F%2Fwww.facebook.com%2Fsami.tahri.7%2Fposts%2F5047768518624076&show_text=true&width=500