الكورونا التي فضحتكم…

في تدوينه نشرها ايمن العلوي عضو المكتب السياسي لحزب الوطنيين الموحد على صفحته الحاصة فايسبوك

كتب. “…اعلام السيستام ينصح التونسيين بعدم الدخول في هيستيريا او في المبالغة في الخوف . اي بعبارة اخرى يريدون من التونسيين ان لا يكونو منطقيين ، علميين ، ان يدفعو دفعا الى مقاربات الشعوذة و الخرافة .
الكلكم تابعتو ماذا قال العلم و الاطباء عن كيفية انتقال العدوى . اذن ؟ كيفاش تحبو التوانسة ما يخافوش !!! و هوما يشوفو في حالة كيرانهم و ترينواتهم و ميترواتهم و لواجاتهم و تاكسياتهم الجماعية ، حالة اكتضاضها و قذارتها و غياب ادنى شروط السلامة في هكذا ظروف خطيرة ، كيفاش ما يخافوش و هوما يعرفو حال سبيطاراتهم و تجهيزاتها و امكانياتها ، يعرفو حال مدارس اولادهم و معاهدهم و جامعاتهم اللي ما تنجمش تتعامل مع جرح صغير ما بالك بهكذا ظواهر ، و هوما يعرفو حال فضائاتهم العامة : مقاهي ، مطاعم ، محلات ، فضائات تجارية ، مساجد ، حانات …و غياب اي رقابة صحية فيها و اي نوع من انواع الاستنفار او الاجراءات الاستثنائية ، والاهم انهم يعرفون جيدا من يحكمونهم ، و انهم لا يأبهون مطلقا ان عاشو او ماتو فهم يوفرون لهم الف سبب و سبب للموت في البحر و في الطريق و في المدرسة و في الحقل و ربما الموت مباشرة بعد الولادة .
انتم تمنعون خوفا منطقيا و عقلانيا عن شعبنا لانه يكشف عورتكم و يفضح دجلكم.
“لتحيا #الكورونا التي فضحتكم .