منجي الرحوي: ثمة خيار الاستعاضة عن قطاع الصحة العمومية بالقطاع الخاص…و تحويل المستشفيات الى مذابح..الى مسالخ بشرية…

مداخلة الرفيق منجي الرحوي بمجلس نواب الشعب اثناء مناقشة ميزانية وزارة الصحة الجمعة 04 ديسمبر2020.

نص المداخلة.

…طبيب في مقتبل العمر,26 او27 سنة…قرى على روحو,وصرفو عليه والديه وامنو بالمصعد الاجتماعي وجاء المصعد الالي لينهي حياته.

المصعد الالي…في مستشفى جندوبة…والي هو معلوم من كل الجهات المسؤولة على اصلاحه…والسيد الوزير في 03 اكتوبر جاء وقام بزيارة وشاف حالة المصعد هذا….

هل نحن في وطن ام في مقبرة؟…

15 من الرضع…مهى هزها الواد…فتاة في مسكوكة..

من اغرب الظواهر نعيشها في تونس…

الخيارات التي اتخذتها مختلف الحكومات…خيارات 10 سنوات..

ما ثمة حتى ارادة للاصلاح وشفنا مخطط التنمية الذي تم وضعه..وشفنا الميزانية التي تم رصدها..ونحن في عام فيه ازمة وجائحة الكورونا وازمة كبيرة برشا ووزارة الصحة ايزيدوها 20 مليون دينار..اش باش اتجابه؟.

اليوم يلزمنا نعرفو وانقرو انه ثمة خيار وانه الصحة العمومية تصبح في مؤخرة الخيارات..والسادة كوادر ومديري وزارة الصحة يعرفو ما هي البرامج؟ وما هي الامكانيات الموجودة؟.

تمة خيار الاستعاضة عن قطاع الصحة العمومية بالقطاع الخاص…واليوم هذا الخيار يعطي في ثماره…ثماره هو تحويل هذه المستشفيات الى مذابح..الى مسالخ بشرية…ونحن نعرف حالة المستشفيات موش في جندوبة فقط, في كل انحاء البلاد..حالة من التدهور,هجرة الاطباء,تدهور التجهيزات…

مستشفى غار دماء اعتماداته موجودة عندها عامين, والارض موجودة, والرخصة مودودة والبني ما ابداش الى الان.

كل شيئ موجود..ما ابدى حتى شيئ.

ثمة قرار..تمة خيار..ما ايتمش تطوير المناطق الداخلية..وما نعتنيش بالصحة امتاعهم,وهي اخر الاشياء.

الي اينجم وعندو الامكانيات يحي والي ما عندوش..عندو ربي…

لذلك نقول نحن لنا مسؤولية كذلك..النواب لنا مسؤولية…انه ثمة حاجات يلزمها تاقف وباش تاقف,وموش في مجال الصحة فقط ..في كل المجالات يلزمها تاقف…تمة عبث كبير ياسر وقع بالوطن وبالدولة التونسية. مسؤولة عليه كل الحكومات التي تعاقبت وكل الاحزاب التي تعاقبت ومنهم هذا البرلمان بالذات.

البارح في لجنة المالية سوق ودلال..طلع بواحد..هبط باربعة..زيد بخمسة في الضرائب على الارباح..سوق ودلال هذا هو المجلس.. المجلس الي ما عادش ايشوف للشعب…وما عادش ايخمم على الشعب..اتقدملو مقترح صندوق البطالة,ايقلك فاش تعمل ..فاش اتخرف..اتقدملو مقترح صندوق المحافظة على الشغل..ايقلك فاش تعمل.. فاش اتخرف.. اتقلو تشغيل المعطلين لاكثر من 10 سنين.. ايقلك فاش اتخرف..

ما ثماش امور فعلية حقيقية ويجب ان تتوقف…هذوما موش باش ايوقفوها..هذوما موش باش يعملو حتى شيئ.

الشعب يلزموا يقول كلمته..يلزمو ايوقف الامور..يلزمو ايرجع الامو وايحطها قد قد…باش اناس ترجع الى وعيها ورشدها..باش اتنجم المرة الجاية تتحط سياسات حقيقية لصالح الشعب…

وجندوبة موش باش تسكت على مظلمة من نوع هذا…

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s